Bæjarráð

Kynning og umræður.

Gestir véku af fundi kl. 8:35.

Bókun:
"Fulltrúar minnihlutans þakka kynningu á stöðu mála og vænta frekari upplýsinga þegar framvinda málaferla er skýr. Eins telja fulltrúar minnihlutans fullt tilefni til að fram fari óháð úttekt á málinu til að hægt sé að draga af því lærdóm um hvað betur megi fara í útboðs- og framkvæmdamálum bæjarins."

Jónas Már Torfason
Einar Jóhannes Guðnason
María Ellen Steingrímsdóttir


Bókun:
"Á síðasta kjörtímabili var samþykkt í bæjarstjórn að fara í óháða úttekt þegar málinu er lokið."

Ásdís Kristjánsdóttir
Andri Steinn Hilmarsson
Hjördís Ýr Johnson
Orri Vignir Hlöðversson

Lagt fram.

Bókun:
"Í fjölmiðlum hafa fulltrúar meirihlutans lagt áherslu á að gjaldskrár barnafjölskyldna hækki ekki meira en sem nemur 2,5% á ársgrundvelli, í viðleitni til að vinna gegn verðbólgu. Fulltrúi Samfylkingar bendir á að gjaldskrár Kópavogs á barnafólk hafi hækkað gríðarlega á undanförnum misserum og þannig drifið verðbólguþróun áfram. Takmörkun við 2,5% nú er of lítið og of seint.
Eins bendir fulltrúi Samfylkingar á að gjaldskrá skólahljómsveitar hækki töluvert umfram téð 2,5% og skýtur það skökku við þegar áhersla er lögð á lækkun gjaldskrár barna- og fjölskyldufólks. Réttara væri að gjaldskrá skólahljómsveitar væri takmörkuð með sama hætti og leik- og grunnskólagjöld."

Jónas Már Torfason


Bókun:
"Almennt fylgir gjaldskrá fyrir þjónustu í Kópavogi verðlagi en Kópavogsbær kaus að ganga á undan með góðu fordæmi í viðleitni sinni til að hlífa barnafjölskyldum og stuðla að lægri verðbólgu að takmarka gjaldskrárhækkanir á barnafjölskyldur um 2,5% á árinu."

Ásdís Kristjánsdóttir
Andri Steinn Hilmarsson
Hjördís Ýr Johnson
Orri Vignir Hlöðversson

Lagt fram.

Gestur vék af fundi kl. 9:00.

Bókun:
"Undirritaður telur svar umhverfissviðs við erindi frá Fagmót ehf. undirstrika mikilvægi þess að fram fari óháð stjórnsýsluúttekt á umhverfissviði Kópavogsbæjar.

Í svarinu kemur fram að á fyrirspurnartíma hafi verið litið svo á að bygging húss á einni hæð gæti verið möguleiki þar sem „ekki var að finna afdráttarlaust bann“ né kvöð í skilmálum. Síðar í sama svari kemur hins vegar fram að niðurstaða skipulagsdeildar hafi verið að ekki væri heimilt að byggja hús á einni hæð og er þá vísað til sömu skilmála og deiliskipulags til stuðnings þeirri niðurstöðu.

Þetta misræmi sýnir að þörf er á skýrara verklagi og samræmdari svörum í samskiptum við lóðarhafa og byggingaraðila.

Byggingaraðilar leggja fram tilboð á grundvelli þeirra upplýsinga sem liggja fyrir í ferlinu. Að bjóða aðilum að skila lóðum bætir ekki sjálfkrafa úr röngum eða misvísandi svörum, enda kunna aðilar að hafa valið tilteknar lóðir fremur en aðrar á grundvelli slíkra svara.

Þetta er einmitt meðal þess sem tillaga Miðflokksins um óháða stjórnsýsluúttekt á umhverfissviði miðar að því að skoða. Draga þarf lærdóm af málum sem þessum, bæta verklag og styrkja traust á stjórnsýslu bæjarins."

Einar Jóhannes Guðnason


Bókun:
"Skilvirkni í skipulags- og byggingarmálum er sameiginlegt hagsmunamál Kópavogsbæjar, íbúa og uppbyggingaraðila. Á fundi bæjarráðs fór skrifstofustjóri umhverfissviðs yfir minnisblað og þær úrbætur sem þegar hafa verið ráðist í til að bæta verklag og upplýsingagjöf vegna lóðaúthlutana í Vatnsendahvarfi. Meðal annars hafa úthlutunargögn verið skýrð betur og unnið er að einfaldari framsetningu á ferli byggingarleyfisumsókna og afgreiðslutíma.
Meirihlutinn telur að umhverfissvið hafi brugðist við þeim atriðum sem upp hafa komið og mun fylgja þeim úrbótum eftir. Mistök við svörun fyrirspurnar um hæð húsa voru leiðrétt þegar þau komu í ljós og viðkomandi aðilum boðið að skila lóðum."

Ásdís Kristjánsdóttir
Andri Steinn Hilmarsson
Hjördís Ýr Johnson
Orri V. Hinriksson


Bókun:
"Undirrituð taka undir fram komnar áherslur á bætt verklag. Ljóst er af samtölum við verktaka og þróunaraðila að úthlutanir á lóðum hafa oft og tíðum gengið umtalsvert betur en nú. Greina þarf hvað hafi breyst með opinn hug og þjónustulund að leiðarljósi."

Jónas Már Torfason
María Ellen Steingrímsdóttir

Bæjarráð tekur jákvætt í erindi Sunnuhlíðarsamtakanna og felur bæjarstjóra að vinna málið áfram.

Bókun:
"Undirrituð ítreka mikilvægi þess að gætt sé að fullnægjandi framboði á félagslegu húsnæði og að aðstæður skjólstæðinga félagslega húsnæðiskerfisins séu tryggðar. Þó er ljóst að viðbragða sé þörf vegna framkvæmda í Fannborg og undirstrikar þörf á viðeigandi undirbúningi og kynningu verkefna, en ljóst er að töluvert hefur vantað upp á í þeim efnum bæði gagnvart Sunnuhlíðasamtökunum sem og íbúum í Gjábakka, Fannborg og Hamraborg."

Jónas Már Torfason
María Ellen Steingrímsdóttir

Lagt fram til upplýsinga.

Bókun:
"Eldri borgarar eru stór og mikilvægur hluti af samfélaginu í Kópavogi og telur undirrituð mikilvægt að Kópavogsbær styðji við virka þátttöku þeirra í samfélaginu. Viðreisn myndi gjarnan vilja sjá frístundastyrk fyrir tekjulága eldri borgara verða að veruleika í Kópavogi á kjörtímabilinu. Flokkurinn hafði slíkt á stefnuskrá sinni í nýliðnum kosningum og er málefni sem við munum halda á lofti.

Viðreisn telur mikilvægt að fjárhagsstaða eldri fólks ráði ekki úrslitum um hvort þau geti stundað hreyfingu við sitt hæfi eða tekið þátt í skipulögðu félags- og frístundastarfi á efri árum og vill því sjá tekjutengdan frístundastyrk til eldri borgara verða að veruleika, t.d. að fyrirmynd Hafnarfjarðarbæjar. Regluleg hreyfing og virk þátttaka í samfélaginu stuðlar að betri líkamlegri og andlegri heilsu, dregur úr félagslegri einangrun og eykur lífsgæði.

Viðreisn telur áhersluatriði Landssambands eldri borgara um frístundastyrk, sér í lagi fyrir tekjulægsta hópinn, gott og mikilvægt og vonast til að meirihlutinn sé tilbúinn að skoða málið þrátt fyrir að það sé ekki hluti af gildandi málefnasamningi. Frístundastyrkur fyrir tekjulága eldri borgara styður við reglulega hreyfingu og væri markviss fjárfesting í lýðheilsu, jöfnum tækifærum og bættum lífsgæðum eldri íbúa Kópavogs."

María Ellen Steingrímsdóttir

Lagt fram til upplýsinga.

Lagt fram til upplýsinga.

Lagt fram.

Bæjarráð staðfestir fundargerð afgreiðslufundar byggingarfulltrúa.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Bókun vegna dagskrárliðar nr. 4 í fundargerðinni:
"Við viljum draga sérstaklega fram eftirfarandi úr bókun SSH varðandi þjónustu við börn með fjölþættar stuðningsþarfir:

Þá tekur stjórn SSH undir ályktun stjórnar Sambands íslenskra sveitarfélaga þar sem stjórnin ítrekar fyrri athugasemdir sínar við fyrirhugaða reglugerð um málsmeðferð vegna ákvörðunar um vistun barna með fjölþættar stuðningsþarfir í sérhæfð vistunarúrræði á vegum ríkisins og þá kröfu stjórnarinnar að fallið verði frá fyrirhugaðri birtingu reglugerðarinnar og að reglugerðin verði endurskoðuð með það fyrir augum að hún uppfylli ákvæði samkomulags ríkis og sveitarfélaga frá 19. mars 2025."

Ásdís Kristjánsdóttir
Andri Steinn Hilmarsson
Hjördís Ýr Johnson
Orri Vignir Hlöðversson
Einar Jóhannes Guðnason
María Ellen Steingrímsdóttir


Bókun:
"Annan bæjarráðsfund í röð teflir meirihluti bæjarráðs fram bókun um sama efni án kynningar á hinu undirliggjandi umfjöllunarefni, en á síðasta fundi bæjarráðs var bókað að málið yrði kynnt sérstaklega á þessum fundi bæjarráðs. Málið hefur eingöngu hlotið umfjöllun í formi bókana pólitískt skipaðra stjórna Sambands íslenskra sveitarfélaga og stjórnar Sambands sveitarfélaga á höfuðborgarsvæðinu.

Með tímamótasamkomulagi ríkisstjórnar og sveitarfélaga tók ríkið yfir þjónustu við stóran hóp barna með fjölþætta stuðningsþörf annars vegar og uppbyggingu hjúkrunarheimila hins vegar. Er það stærra skref en fyrri ríkisstjórnir hafa treyst sér til að stíga. Í samkomulaginu er skýrt kveðið á um að lagt sé upp með að útgjöld sveitarfélaga vegna þjónustu við umrædd börn lækki um 3 milljarða króna, en fyrir liggur að ríkið muni stíga inn með rúmlega það framlag. Samkomulagið nær til barna með fjölþætta stuðningsþörf og því ljóst frá upphafi að það næði ekki til fullorðinna einstaklinga.

Áframhaldandi samtal ríkis og sveitarfélaga á sér stað og er hluti af stærri heildarendurskoðun málaflokksins. Það er ótímabært að bæjarráð taki afstöðu í þessu máli án kynningar enda ljóst að enginn skjólstæðingur Kópavogs hefur fengið höfnun um vistun í úrræðum vegna þeirrar reglugerðar sem vísað er til í bókun meirihlutans."

Jónas Már Torfason


Bókun:
"Það sætir furðu að bæjarfulltrúi Samfylkingarinnar geti ekki tekið undir álit stjórnar Sambands íslenskra sveitarfélaga og stjórnar SSH um áhyggjur þeirra af vanefndum ríkisins sem snúa að þessu samkomulagi. Það er ótækt að ræða um það sem tímamótasamkomulag þegar efndirnar fylgja ekki á eftir."

Ásdís Kristjánsdóttir
Andri Steinn Hilmarsson
Hjördís Ýr Johnson
Orri Vignir Hlöðversson


Bókun:
"Með gagnbókun sinni fellir meirihlutinn grímuna af augljóslega flokkspólitískri vegferð sinni í þessu máli, þar sem bókað er í bæjarráði án þess að málið hafi hlotið viðeigandi kynningu á þeim vettvangi og skýlir sér á bak við ályktun stjórnar SSH, sem er alfarið skipuð fulltrúum Sjálfstæðisflokks.

Með bókun undirritaðs er á það bent að málið sé flókið og þarfnast lausnamiðaðs samtals, með allar staðreyndir á borðinu. Ljóst er að aðilum greinir á um hvort samkomulagið hafi verið virt. Á það var bent í fyrri bókun undirritaðs að samkomulagið væri skýrt um það fjárframlag sem ríkið myndi koma með að borðinu og um gildissvið þess gagnvart börnum, ekki fullorðnum, með fjölþætta stuðningsþörf. Hvort tveggja hefur verið efnt, og gildissvið samningsins kallar eðli máls samkvæmt á að línan milli ábyrgðar á börnum og fullorðnum með stuðningsþörf sé einhvers staðar dregin. Endurskoðun kerfisins er í vinnslu með virku samtali ríkis og sveitarfélaga um hvernig þjónusta við umræddan hóp verði best borgið og framkvæmd nýrrar reglugerðar á grundvelli samkomulagsins er í sífelldri vöktun. Flokkspólitísk upphlaup eru ekki gagnleg innlegg í þá vinnu."

Jónas Már Torfason


Bókun:
"Stjórn Sambands íslenskra sveitarfélaga var einróma í afstöðu sinni til málsins þvert á flokka og sú bókun sem meirihlutinn ásamt fulltrúum Viðreisnar og Miðflokksins í bæjarráði kusu að draga sérstaklega fram úr fundargerð SSH vísar til þeirrar bókunar svo tal um flokkapólitík er marklaust. Með reglugerðinni er skilgreining hópsins sem um ræðir einhliða þrengd af ráðuneytinu. Fjöldi barna sem áður voru metin af sérfræðingum með fjölþættar stuðningsþarfir falla nú utan skilgreiningarinnar nú þegar ríkið hefur tekið yfir ábyrgðina.
Við ítrekum að við undrumst vinnubrögð ríkisins við reglugerð um vistun barna með fjölþættar stuðningsþarfir og teljum að með henni sé ríkið að brjóta samkomulag ríkis og sveitarfélaga um skýra ábyrgðarskiptingu í málefnum barna með fjölþættan vanda frá 19. mars 2025."

Ásdís Kristjánsdóttir
Andri Steinn Hilmarsson
Hjördís Ýr Johnson
Orri Vignir Hlöðversson

Bæjarráð vísar málinu til bæjarstjóra til nánari útfærslu.

Bæjarráð vísar málinu til umsagnar bæjarstjóra.

Bæjarráð vísar málinu til umsagnar sviðsstjóra umhverfissviðs.

Bæjarráð vísar málinu til umsagnar sviðsstjóra menntasviðs.

Bæjarráð hafnar tillögunni með þremur atkvæðum gegn atkvæði Jónasar Más Torfasonar og hjásetu Einar Jóhannesar Guðnasonar.

Bókun:
"Meirihlutinn telur eðlilegt að breytt fyrirkomulag við opnunartíma sundlauga verði tekið upp. Ljóst er að slíkar breytingar fela í sér umfangsmiklar ráðningar, breytingar á vaktakerfum og þjálfun nýs starfsfólks m.t.t. öryggiskrafna. Með hliðsjón af þeim upplýsingum sem liggja fyrir telur meirihlutinn ótækt að samþykkja tillögu Samfylkingarinnar. Á þessum fundi er tekin fyrir tillaga meirihlutans um lengdan sumaropnunartíma í annarri lauginni sem rúmast innan núverandi vaktakerfis og með núverandi starfsfólki en um leið jafnframt boðað að hafin verði vinna við lengdan opnunartíma að vetrarlagi. Við leggjum áherslu á að breytingar á opnunartíma verði unnar með það fyrir augum að tryggja öryggi gesta og góða þjónustu."

Ásdís Kristjánsdóttir
Andri Steinn Hilmarsson
Hjördís Ýr Johnson
Orri Vignir Hlöðversson


Bókun:
"Bæjarfulltrúar Samfylkingar hafa oft og ítrekað tjáð það, m.a. í pontu bæjarstjórnar, að þeir séu tilbúnir til að gera breytingar á tillögu sinni, svo sem með breytingu á gildistíma nýrra opnunartíma, svo raunhæft sé að hún komi til framkvæmdar. Meirihlutinn þarf að gera upp við sig hvort hann telji það eftirsóknarvert að lengja opnunartíma með þeim hætti sem tillaga Samfylkingar kveður á um, þ.e. að opið sé til kl. 22 allt árið um kring og til kl. 23 á föstu- og laugardögum um sumar, en getur ekki skýlt sér á bak við áskoranir í tæknilegri útfærslu."

Jónas Már Torfason

Gestir viku af fundi kl. 9:58

Bæjarráð samþykkir með fimm atkvæðum framlagða tillögu að lengingu opnunartíma Salalaugar. Bæjarráð felur jafnframt menntasviði að undirbúa tillögu að lengdum opnunartíma sundlauganna að vetrarlagi sem tæki gildi frá 1. janúar 2027.

Bókun:
"Fulltrúi Samfylkingar greiðir atkvæði með tillögu um lengri opnunartíma sundlauga en vísar til tillögu sinnar sem afgreidd var undir 23. fundarlið og var hafnað af meirihluta bæjarráðs. Tillaga meirihlutans gengur stutt og ljóst er að undirbúningur ákvörðunarinnar hefði þurft að hefjast fyrr miðað við skýringar menntasviðs Kópavogsbæjar. Fulltrúi Samfylkingar leggur eftir sem áður áherslu á að opnunartími beggja sundlauga verði lengdur til kl. 22 allt árið um kring og að þær breytingar taki gildi sem allra fyrst og mun fylgja því eftir í fjárhagsáætlunargerð fyrir árið 2027. Eins telur fulltrúi Samfylkingar fullt tilefni til þess að lengja opnunartíma sundlauga sérstaklega á föstu- og laugardögum að sumri til, þar sem ungmennum bæjarins er sérstaklega boðið að eiga saman kvöldstund í sundi fremur en að verja tíma sínum við aðrar og óæskilegri aðstæður. "

Jónas Már Torfason