Bæjarráð

Gestir viku af fundi kl. 8:25

Umræður

Bæjarráð samþykkir með fimm atkvæðum framlagðan viðauka við fjárhagsáætlun.


Bókun:
"Undirrituð gerir ekki athugasemdir við þær tilfærslur sem lagðar eru til í viðaukanum enda er um að ræða verkefni sem mikilvægt er að ráðast í. Þó er ástæða til að vekja athygli á því að fjármögnunin kemur frá verkefnum sem gert var ráð fyrir að yrðu unnin á árinu en hafa tafist. Um er að ræða byggingu nýs leik- og grunnskóla í Vatnsendahvarfi, undirbúningur fyrir framkvæmdir við leikskóla í Naustavör og uppbyggingu stúku við Kórinn. Undirrituð leggur áherslu á mikilvægi þess að framgangur þessa verkefna verði tryggður enda eru þau öll mikilvæg fyrir þjónustu við íbúa og áframhaldandi uppbyggingu Kópavogs."

Eydís Inga Valsdóttir


Bókun:
"Fulltrúi Viðreisnar telur eðlilegt að fjárheimildir sem sannanlega verða ekki nýttar á yfirstandandi ári séu færðar tímabundið til verkefna sem eru tilbúin til framkvæmda, enda sé með því stuðlað að ábyrgri og skilvirkri nýtingu fjármuna.
Nauðsynlegt er þó að bæjarráð fái skýra yfirsýn yfir stöðu þeirra verkefna sem fjárheimildir eru færðar frá. Þá verði skýrt hvernig tryggt verði að fjárheimildir sem nú eru færðar frá verkefnunum komi aftur inn í fjárfestingaáætlun þegar framkvæmdir geta hafist."

Pétur Björgvin Sveinsson

Gestur vék af fundi kl. 8:35

Umræður

Bæjarráð samþykkir með fimm atkvæðum framlagðan viðauka við fjárhagsáætlun.

Gestir viku af fundi kl. 9:11

Bæjarráð samþykkir með fimm atkvæðum framlagða húsnæðisáætlun 2026.


Bókun:
"Miðflokkurinn setur stórt spurningamerki við tilgang gerðar húsnæðisáætlunar. Lýsa þarf verulegum áhyggjum af þeirri hröðu fjölgun íbúa sem gert er ráð fyrir í húsnæðisáætlun Kópavogsbæjar. Samkvæmt miðspá fjölgar íbúum um rúmlega 3.100 á næstu fimm árum og tæplega 6.500 á næstu tíu árum.

Innviðir bæjarins halda nú þegar illa í við uppbygginguna og sýnir þessi áætlun ekki breytingu þar á. Seinagangur og tafir hafa verið í uppbyggingu leik- og grunnskóla, þrátt fyrir fyrirsjáanlega fjölgun barna. Stækka og fjölga þarf skólum í takt við íbúafjölgun og er óboðlegt að bregðast ítrekað við með tímabundnum gámastofum í stað varanlegrar uppbyggingar.

Kópavogur hefur um árabil skilgreint sig sem íþróttabæinn Kópavog, en íþróttafélög bæjarins búa þegar við verulegan aðstöðuskort og eiga erfitt með að anna núverandi fjölda iðkenda.

Bærinn ætti því að hægja á nýrri íbúðauppbyggingu þar til raunhæf, fjármögnuð og tímasett innviðaáætlun liggur fyrir. Stækkun íþróttaaðstöðu í Versölum er löngu tímabær, hætta þarf að þrengja að HK í Kórnum og tryggja félaginu aukið svigrúm, hefja þarf markvissa uppbyggingu íþróttamannvirkja á félagssvæði Breiðabliks og lengi mætti áfram telja.

Ef Kópavogur á að vera áfram íþróttabær, þá þarf að sýna það í verki."

Einar Jóhannes Guðnason


Bókun:
"Meirihlutinn telur mikilvægt að tryggja fjölbreytta valkosti í húsnæðisuppbyggingu til að mæta þörfum íbúa og tryggja hagkvæmt húsnæðisverð. Í þessum áætlunum er gert ráð fyrir að þrjú ný hverfi rísi í Kópavogi sem eru síðustu lóðirnar sem eftir eru í landi Kópavogs. Mikilvægt er að vaxtamörk verði endurskoðuð þannig að bærinn geti vaxið í takt við fjölgun á höfuðborgarsvæðinu.

Órökstuddar fullyrðingar um að innviðir standi ekki undir þjónustu við bæjarbúa stenst enga skoðun.

Þá er mikilvægt að halda því til haga að samkvæmt þjónustukönnun Gallup er Kópavogsbær á hverju einasta ári að skora hæst meðal sveitarfélaga þegar kemur að aðstöðu til íþróttaiðkunar."

Orri Vignir Hlöðversson
Ásdís Kristjánsdóttir
Elísabet Berglind Sveinsdóttir
Guðmundur Jóhann Jónsson


Bókun:
"Miðflokkurinn leggur til að Kópavogsbær ræði beint við íþróttafélögin um aðstöðu þeirra og alvarlegar afleiðingar óhóflegar þéttingar fremur en Gallup. Þau myndu öll staðfesta það sem bent er á í fyrri bókun."

Einar Jóhannes Guðnason


Bókun:
"Kópavogsbær er í góðu samtali við íþróttafélög bæjarins, forgangsröðun hefur verið síðustu ár að byggja upp innviði til að bæta aðstöðu íþróttafélaga og fjárfestingar hlaupa á milljörðum.  Mikilvægt er að halda til haga að íbúa svara þjónustukönnun Gallup en ekki fyrirtækið sjálft."

Orri Vignir Hlöðversson
Ásdís Kristjánsdóttir
Elísabet Berglind Sveinsdóttir
Guðmundur Jóhann Jónsson


Bókun:
"Samfylkingin fagnar því að í húsnæðisáætlun Kópavogs sé lögð áhersla á fjölbreyttara húsnæðisframboð, aukið framboð smærri íbúða og eflingu almenna leigumarkaðarins. Jafnframt er jákvætt að áréttað sé að leita skuli leiða til að fjölga félagslegum íbúðum og sömuleiðis að skapa traustari umgjörð um almenna leigumarkaðinn og gera hann að raunverulegum valkosti til jafns við önnur búsetuform.

Samfylkingin telur þó mikilvægt að markmið áætlunarinnar endurspeglist í framkvæmd. Á undanförnum árum hafa ítrekaðar tillögur um uppbyggingu almenns leiguhúsnæðis, meðal annars af hálfu óhagnaðardrifinna leigufélaga, ekki hlotið brautargengi. Það vekur upp spurningar um hvernig sveitarfélagið hyggst ná þeim markmiðum sem sett eru fram í áætluninni.

Þá gefa ákveðnar forsendur áætlunarinnar tilefni til frekari skoðunar. Ef þörf fyrir námsmannaíbúðir er metin út frá því að engar slíkar íbúðir séu fyrir hendi er hætta á að skortur á þessu húsnæðisúrræði verði viðvarandi í stað þess að brugðist sé við honum. Ljóst er að eftirspurn er eftir námsmannaíbúðum í Kópavogi."

Eydís Inga Valsdóttir


Bókun:
"Fulltrúi Viðreisnar fagnar áherslu húsnæðisáætlunarinnar á fjölbreytt búsetuform, uppbyggingu minni íbúða, þéttingu byggðar og samgöngumiðað skipulag. Mikilvægt er að Kópavogur tryggi stöðugt og fyrirsjáanlegt framboð íbúða og að uppbygging húsnæðis, samgangna og grunnþjónustu haldist í hendur.

Mikilvægt er að áætlunin sé ekki bara orð á blaði heldur verði tryggt að farið verði í uppbyggingu á fjölbreyttu húsnæði fyrir ólíka hópa samfélagsins."

Pétur Björgvin Sveinsson

Umræður

Bæjarráð samþykkir með fimm atkvæðum framlögð drög af samkomulagi um uppbyggingu þjónustumiðstöðvar GKG.

Umræður

Bæjarráð vísar erindinu til umsagnar sviðsstjóra umhverfissviðs.

Bókun bæjarráðs:
"Bæjarráð telur mikilvægt að móta verklag þannig að Kópavogsbær geti brugðist við með afgerandi hætti í hverfum þar sem staðan hefur verið óásættanleg í langan tíma, sem dæmi má nefna Auðbrekkuna."

Umræður

Bæjarráð vísar málinu til umsagnar bæjarritara.

Fundarhlé hófst kl. 9:15, fundi fram haldið kl. 10:18


Bókun:
"Fulltrúar Viðreisnar og Samfylkingar styðja markmið nýsamþykktra laga um einfaldara regluverk og samræmdara eftirlit með hollustuháttum og mengunarvörnum um land allt. Breytingarnar eru til þess fallnar að gera kerfið skýrara og aðgengilegra fyrir íbúa og fyrirtæki og draga úr óþarfa tvíverknaði.

Eðlilegt er að leitað verði til lögfræðiþjónustu til að rýna áhrif lagabreytinganna á Kópavogsbæ og tryggja að sveitarfélagið sé vel undirbúið fyrir gildistöku þeirra. Fram undan er umfangsmikil innleiðing hjá sveitarfélögum, Umhverfis- og orkustofnun og Stofnun atvinnuveganna. Við þá vinnu þarf að tryggja skýra verkaskiptingu, gott upplýsingaflæði og að breytingarnar leiði ekki til þess að dregið verði úr gæðum eftirlits eða kröfum um heilbrigði og öryggi íbúa."

Pétur Björgvin Sveinsson
Eydís Inga Valsdóttir

Umræður.

Lagt fram.


Bókun:
"Fulltrúar Viðreisnar og Samfylkingar telja mikilvægt að upplýsingar um stöðu árganga í skólum bæjarins séu til staðar svo hægt sé að rýna heildstætt gögnin og styðja við skólana sem best. Við leggjum áherslu á að gætt sé persónuverndarsjónarmiða í hvívetna og að þessar upplýsingar verði ekki gerðar opinberar eða nýttar til að aðgreina eða mismuna skólahverfum og nemendum."

Pétur Björgvin Sveinsson
Eydís Inga Valsdóttir

Lagt fram.


Bókun:
"Árshelmingsskýrsla Betri samgangna vekur upp alvarlegar spurningar um fjármögnun, gagnsæi og ábyrgð við framkvæmd Samgöngusáttmála höfuðborgarsvæðisins.

Þótt sveitarfélögunum sé ætlað að bera 12,5% af heildarfjármögnun sáttmálans hafa þau hingað til lagt fram um 27% af beinum framlögum. Miðflokkurinn óskar skýringa á þessu misræmi og hvort gert sé ráð fyrir að það jafnist síðar út með flýti- og umferðargjöldum. Meirihluti Sjálfstæðisflokks og Framsóknarflokks hefur ítrekað fullyrt að slík gjöld verði ekki innheimt í Kópavogi en hefur hvorki bókað gegn þeim né talað gegn þeim opinberlega og er engar undanþágur gagnvart Kópavogi að finna í neinum gögnum.

Kópavogsbúar finna nú fyrir óskiljanlegri hönnun nýrrar brúar á Arnarnesvegi. Meirihlutinn hefur vísað ábyrgðinni til Vegagerðarinnar þótt Kópavogsbær hafi sérstaklega samið um að flýta framkvæmdinni og notað hana sem rök fyrir samþykki Borgarlínu með tilheyrandi þrengingu að fjölskyldubílnum. Kópavogsbær hefur ekki beitt sér opinberlega fyrir skynsamari útfærslu brúarinnar. Færsla umferðarljósanna frá Ögurhvarfi að nýjum gatnamótum Arnarnesvegar og Breiðholtsbrautar leysir ekki umferðarvandann heldur færir hann.

Miðflokkurinn krefst skýringa á því hvers vegna meirihlutinn stóð ekki fastar í lappirnar gagnvart meintu ofríki Reykjavíkurborgar og hvort hann hyggist beita sér fyrir varanlegum úrbótum á umferðarflæði svæðisins."

Einar Jóhannes Guðnason


Bókun:
"Í samkomulagi Samgöngusáttmálans er gert ráð fyrir að ríkið fjármagni sinn hlut með flýti- og umferðargjöldum eða annarri fjármögnun. Bæjarstjóri Kópavogs hefur bent opinberlega á að eignasala sé ákjósanlegri kostur í þeim efnum fremur en flýti- og umferðargjöld.

Fullyrðing um að framkvæmdum við Arnarnesveg hafi verið flýtt til að koma Borgarlínu fyrir er ekki rétt, útfærslan lá fyrir á þarsíðasta kjörtímabili. Mikilvægt er að halda því til haga að Arnarnesvegurinn er mikilvæg samgöngubót fyrir efri byggðir og Kópavogsbúa alla. Meirihlutinn tekur undir mikilvægi þess að endurskoða ljós við gatnamótin til að tryggja sem best flæði á þessum gatnamótum og hefur bæjarstjóri þegar sent ábendingar til Vegagerðarinnar um vanstillingu ljósanna."

Ásdís Krisjánsdóttir
Orri Vignir Hlöðversson
Guðmundur Jóhann Jónsson
Elísabet Berglind Sveinsdóttir


Bókun:
"Fulltrúar Samfylkingar og Viðreisnar leggja áherslu á mikilvægi þess að áfram verði unnið markvisst að framkvæmd samgöngusáttmála ríkis og sveitarfélaga. Mikilvægt er að sveitarfélögin haldi áfram góðu samstarfi og greiði leið verkefna svo óþarfa tafir verði ekki á framkvæmdum. Ljóst er að samgöngubætur eru meðal mikilvægustu innviðaverkefna höfuðborgarsvæðisins."

Eydís Inga Valsdóttir
Pétur Björgvin Sveinsson

Bæjarráð óskar eftir kynningu á erindinu og er því frestað þangað til kynning hefur farið fram.

Lagt fram.

Lagt fram.

Bæjarráð staðfestir fundargerð byggingarfulltrúa.

Lagt fram.

Bókun við dagskrárlið 5 í fundargerð SSH:

"Undirrituð fagnar þeirri innviðagreiningu sem unnin hefur verið fyrir hverfi höfuðborgarsvæðisins. Greiningin veitir mikilvæga yfirsýn yfir aðgengi íbúa að grunnþjónustu og getur nýst sveitarfélögunum vel við forgangsröðun framkvæmda og uppbyggingar.

Fyrir Kópavog gefa niðurstöðurnar tilefni til þess að skoða nánar aðgengi íbúa í einstökum hverfum að grunnþjónustu á borð við leik- og grunnskóla, bókasöfn, sundlaugar og hjúkrunarrými til að nefna nokkur atriði. Mikilvægt er að niðurstöður greiningarinnar verði nýttar við framtíðarskipulag sveitarfélagsins með það að markmiði að tryggja sem jafnast aðgengi íbúa að grunnþjónustu óháð búsetu."

Eydís Inga Valsdóttir

Bókun við dagskrárlið 6 í fundargerð SSH:
"Undirrituð vekur athygli á því að samkvæmt gögnum SSH hefur Kópavogur, einn sveitarfélaga á höfuðborgarsvæðinu, ekki afmarkað sérstakt svæði fyrir almenning vegna almyrkvans. Í öðrum sveitarfélögum er slíkt m.a. gert til að auðvelda skipulag og tryggja nauðsynlega aðstöðu.

Mikilvægt er að Kópavogsbær fari yfir hvort ástæða sé til að grípa til sambærilegra ráðstafana áður en viðburðurinn fer fram."

Eydís Inga Valsdóttir

Lagt fram.

Umræður

Lagt fram.


Bókun:
"Í minnisblaði Umhverfissviðs kemur fram að Kópavogsbær hafi ekki rýnt möguleg grenndaráhrif vegtengingar samkvæmt gildandi deiliskipulagi á íbúa í Þorrasölum né metið hvort betri kostir séu fyrir hendi. Jafnframt kemur fram að frumkvæði að slíkri skoðun sé á forræði skipulags- og umhverfisráðs og bæjarstjórnar Kópavogs.

Miðflokkurinn telur óásættanlegt að þessi áhrif hafi ekki þegar verið metin, sérstaklega í ljósi þeirra hagsmuna sem eru í húfi fyrir íbúa Þorrasala. Miðflokkurinn mun því leggja fram tillögu á næsta fundi skipulags- og umhverfisráðs um að grenndaráhrif vegtengingarinnar verði rýnd og að metið verði hvort aðrir og betri kostir séu fyrir hendi."

Einar Jóhannes Guðnason

Bæjarráð samþykkir að vísa málinu til umsagnar bæjarstjóra.


Bókun:
"Miðflokkurinn tekur undir markmið tillögunnar um heildstæða fjárfestingar- og viðhaldsáætlun fyrir íþróttamannvirki í Kópavogi. Slík langtímasýn er löngu tímabær og samræmist þeim áhyggjum sem Miðflokkurinn hefur lýst af því að uppbygging íþróttainnviða haldi ekki í við fjölgun íbúa.

Verði starfshópurinn pólitískt skipaður telur Miðflokkurinn þó eðlilegt að tryggð verði aðkoma allra kjörinna stjórnmálaflokka í bæjarstjórn að vinnunni.

Einar Jóhannes Guðnason