Fundargerð í þremur liðum.
7.2
26022205
Marbakkabraut 38. Byggingarleyfisumsókn.
Niðurstaða Skipulags- og umhverfisráð - 29
Fundarhlé kl. 15:37, fundi framhaldið kl. 16:14.
Andrés Pétursson tók sæti á fundinum kl. 15:50.
Bókun:
„Undirrituð taka undir óskir íbúa að Kópavogsbær geri deiliskipulag fyrir Marbakkabraut 38. Í deiliskipulagsgerðinni skal taka tillit til þeirra þátta sem koma fram í innsendum athugasemdum.“
Hákon Gunnarsson, Helga Jónsdóttir, Andrés Pétursson og Indriði Ingi Stefánsson.
Bókun:
„Í umsögn skipulagsfulltrúa kemur skýrt fram að umsóknin telst samræmast Aðalskipulagi Kópavogs 2019-2040, landnotkun, byggðarmynstri og þéttleika byggðar á svæðinu og að ekki sé talin þörf á formlegri deiliskipulagsgerð.
Að mati meirihlutans liggja því ekki fyrir forsendur sem kalla á sérstaka deiliskipulagsgerð í þessu máli, enda er framkvæmdin innan þeirra marka sem Aðalskipulag Kópavogs gerir ráð fyrir hvað varðar nýtingarhlutfall, umfang og yfirbragð byggðar.“
Hjördís Ýr Johnson, Kristinn Dagur Gissurarson, Andri Steinn Hilmarsson og Gunnar Sær Ragnarsson.
Tillaga Hákonar Gunnarssonar, Helgu Jónsdóttur, Andrésar Péturssonar og Indriða Inga Stefánssonar að afgreiðslu málsins:
„Skipulagsskylda hvílir á sveitarfélögum og í deiliskipulagi er m.a. lagt mat á svipmót einstakra bygginga til þess að gæta heildarsamræmis. Spurningar íbúa lúta ekki síst að framkvæmdatíma og hagsmunum íbúa af því að koma að sjónarmiðum. Aðalskipulag er almennt en deiliskipulag er sértækt. Því leggja undirrituð til að Kópavogsbær sjálfur geri deiliskipulag að Marbakkabraut 38.“
Hafnað með fjórum atkvæðum Hjördísar Ýrar Johnson, Kristins Dags Gissurarsonar, Andra Steins Hilmarssonar og Gunnars Sæs Ragnarssonar gegn atkvæðum Andrésar Péturssonar, Helgu Jónsdóttur og Hákonar Gunnarssonar.
Framlögð byggingarleyfisumsókn samþykkt með vísan til umsagnar skipulagsfulltrúa dags. 13. maí 2026 með fjórum atkvæðum Hjördísar Ýrar Johnson, Kristins Dags Gissurarsonar, Andra Steins Hilmarssonar, Gunnars Sæs Ragnarssonar gegn atkvæðum Andrésar Péturssonar, Helgu Jónsdóttur og Hákonar Gunnarssonar. Vísað til afgreiðslu bæjarráðs og bæjarstjórnar.
Niðurstaða
Bæjarstjórn staðfestir afgreiðslu skipulags- og umhverfisráðs með 6 atkvæðum og hjásetu Kolbeins Reginsonar, Jóhönnu Pálsdóttur, Bergljótar Kristinsdóttur og Sigurbjargar E. Egilsdóttur.
7.3
26032451
Askalind 2. Breytt deiliskipulag.
Niðurstaða Skipulags- og umhverfisráð - 29
Samþykkt með vísan til 1. mgr. 43. gr. skipulagslaga nr. 123/2010 að framlögð tillaga að breyttu deiliskipulagi dags. 16. mars 2026 verð auglýst með fjórum atkvæðum Hjördísar Ýrar Johnson, Kristins Dags Gissurarsonar, Andra Steins Hilmarssonar og Gunnars Sæs Ragnarssonar. Vísað til afgreiðslu bæjarráðs og bæjarstjórnar.
Andrés Pétursson, Helga Jónsdóttir og Hákon Gunnarsson sátu hjá við afgreiðslu málsins.
Niðurstaða
Bæjarstjórn staðfestir afgreiðslu skipulags- og umhverfisráðs með 6 atkvæðum og hjásetu Kolbeins Reginsonar, Jóhönnu Pálsdóttur, Bergljótar Kristinsdóttur og Sigurbjargar E. Egilsdóttur.
