Embættisafgreiðslur skipulagsfulltrúa

Lögð fram að nýju að lokinni grenndarkynningu byggingarleyfisumsókn Braga Blumenstein arkitekts f.h. lóðarhafa lóðarinnar nr. 5 við Skjólbraut. Sótt er um byggingarleyfi fyrir að hækka þak hússins og setja tvo kvisti á þakið, einn að norðanverðu og annan að sunnanverðu að Skjólbraut 5. Birt flatarmál eykst um 36,7 m², úr 139,6 m² í 176,3 m². Nýtingarhlutfallið hækkar úr 0,19 í 0,24. Uppdrættir dags. 24. janúar 2026. Byggingarleyfisumsóknin var grenndarkynnt frá 15. apríl 2026 til 17. maí 2026, engar athugasemdir bárust.

Lagt fram að nýju að lokinni grenndarkynningu byggingarleyfisumsókn Einars Ólafssonar arkitekts f.h. lóðarhafa lóðarinnar nr. 32 við Nýbýlaveg. Sótt er um að breyta fjórum íbúðum á 3. hæð í gistiheimili í flokki II. Uppdrættir dags. 18. febrúar 2026. Byggingarleyfisumsóknin var grenndarkynnt frá 21. apríl 2026 til 24. maí 2026, engar athugasemdir bárust.

Lagt fram að nýju erindi byggingarfulltrúa dags. 24. apríl 2026 þar sem byggingarleyfisumsókn Vigfúsar Halldórssonar byggingarfræðings f.h. lóðarhafa lóðarinnar nr. 4 við Holtagerði er vísað til umsagnar skipulagsfulltrúa. Sótt er um að endurbyggja og stækka núverandi sólstofu úr 17 m² í 25,5 m² ofan á bílskúr ásamt því að setja vegg við hlið útitrappa til að styðja undir nýjar svalir á suð-austur hluta efri hæðar. Uppdrættir dags. 10. júní 2025. Á embættisafgreiðslufundi skipulagsfulltrúa þann 11. maí 2026 var erindinu vísað til umsagnar. Lagt fram að nýju ásamt umsögn skipulagsfulltrúa dags. 26. maí 2026.

Lagt fram að nýju erindi byggingarfulltrúa dags. 24. apríl 2026 þar sem byggingarleyfisumsókn Vigfúsar Halldórssonar byggingarfræðings f.h. lóðarhafa lóðarinnar nr. 14 við Melgerði er vísað til umsagnar skipulagsfulltrúa. Sótt er um að byggja viðbyggingu yfir verönd framan við forstofu og taka niður burðarvegg í eldhúsi og stofu, alls stækkun upp á 14,4 m². Uppdrættir dags. 15. desember 2025. Á embættisafgreiðslufundi skipulagsfulltrúa þann 11. maí 2026 var erindinu vísað til umsagnar. Lagt fram að nýju ásamt umsögn skipulagsfulltrúa dags. 26. maí 2026.

Lagt fram erindi byggingarfulltrúa dags. 8. maí 2026 þar sem byggingarleyfisumsókn G. Odds Víðissonar arkitekts f.h. lóðarhafa lóðarinnar nr. 11 við Smiðjuveg er vísað til umsagnar skipulagsfulltrúa. Sótt er um að byggja 27m² anddyri norðan megin við iðnaðar- og atvinnuhúsnæði á lóðinni nr. 11 við Smiðjuveg (mhl. 01) ásamt því að bæta við milligólfi, samtals 400 m² viðbót. Uppdrættir dags. 30. október 2025.

Lögð fram að nýju fyrirspurn Stefáns Snæs Ágústssonar dags. 28. apríl 2026 um breytingu á deiliskipulagi lóðarinnar nr. 9 við Dimmuhvarf. Í breytingunni felst að á lóðinni verði byggt parhús í stað einbýlishúss. Á embættisafgreiðslufundi skipulagsfulltrúa þann 11. maí 2026 var fyrirspurninni vísað til umsagnar. Lagt fram að nýju ásamt umsögn skipulagsfulltrúa dags. 26. maí 2026.

Lögð fram fyrirspurn Gests Ólafssonar dags. 21. maí 2026 f.h. lóðarhafa lóðarinnar nr. 20 við Kópavogsbraut um tvær viðbyggingar við suður- og norðurhlið bifreiðageymslu, samtals 99,2 m².

Lögð fram umsókn Andra Klausen arkitekts dags. 26. maí 2026 f.h. lóðarhafa lóðarinnar nr. 30 og 30A við Dalveg um breytingu á deiliskipulagi. Í breytingunni felst breytt aðkoma lóðarinnar og að ný 7 m breið aðkomuleið sem hægri handar inn-/útkeyrsla á Dalveg norðan við byggingarreit nr. 30A.

Lagt fram erindi byggingarfulltrúa dags. 8. maí 2026 þar sem byggingarleyfisumsókn Helgu Guðrúnar Vilmundardóttur arkitekts f.h. lóðarhafa lóðarinnar nr. 29 við Sunnubraut er vísað til umsagnar skipulagsfulltrúa. Sótt er um að 29,9 m² ósamþykkt bátaskýli verði breytt í íbúðarrými og verði hluti af núverandi húsnæði. Ytra byrði hússins breytist, gluggum fjölgar, núverandi gluggar stækkaðir og hurðum bætt við. Hluti lóðar lækkar svo hægt sé að bæta við gólfsíðum gluggum og hurðum og auka birtuskilyrði neðri hæðar. Grafa þarf út botnplötu bátaskýlis til að ná 2,5 m lofthæð. Komið er fyrir heitum potti á suðvesturhluta lóðar. Fyrirhugað er að skipta út ónýtu þaki. Hæð hússins helst óbreytt og ekki er verið að breyta hæð lóðarmarka. Byggingarmagn eykst úr 356,2 m² í 386,1 m². Nýtingarhlutfall hækkar úr 0,62 í 0,67. Uppdrættir dags. 5. febrúar 2026, uppfærðir 26. maí 2026.

Lögð fram fyrirspurn Andra Klausen arkitekts dags. 11. maí 2026 f.h. lóðarhafa lóðarinnar nr. 30 við Dalveg. Óskað er eftir afstöðu skipulagsfulltrúa til þess að koma fyrir þjónustuskiltum, í formi upplýsingaskjáa, við innkeyrslu á norðurhlið og við suðurhlið lóðarinnar. Um er að ræða upplýsingaskjái þar sem fyrirtæki í húsunum geta komið upplýsingum á framfæri við vegfarendur, s.s. um starfsemi, þjónustu og aðgengi. Jafnframt lögð fram umsögn skipulagsfulltrúa dags. 26. maí 2026.

Lagt fram erindi byggingarfulltrúa dags. 8. maí 2026 þar sem byggingarleyfisumsókn Kristins Ragnarssonar arkitekts f.h. lóðarhafa lóðarinnar nr. 4 við Kastalagerði er vísað til umsagnar skipulagsfulltrúa. Sótt er um að framlengja valmaþak yfir bílskúrs og að hækka bílskúrsveggi upp í nýtt þak. Uppdrættir dags. 23. desember 2025.