Skipulags- og umhverfisráð

Tillögur umhverfissviðs dags. 3. júlí 2026 samþykktar. Tillögu að götu ársins í Kópavogi 2026 er vísað til afgreiðslu bæjarráðs og bæjarstjórnar.

Bókun:
„Miðflokkurinn tekur heilshugar undir áhyggjur íbúa vegna vaxandi umferðar um Arnarnesveg, en þar mælist hljóðstyrkur við húsveggi þegar yfir viðmiðunarmörkum. Nauðsynlegt er að fyrirhugaðar mótvægisaðgerðir til hljóðlækkunar liggi fyrir, verði kynntar íbúum og sýnt fram á árangur þeirra við sambærilegar aðstæður áður en framkvæmdir hefjast. Jafnframt er bágborið að reglugerðum sé beitt eftir hentugleika. Reglugerð um hljóðvist virðist virt að vettugi þrátt fyrir að heilsa og lífsgæði íbúa séu í húfi. Á sama tíma er tæknilegum reglugerðum um vegtegundir fylgt í einu og öllu til að hafna kröfum íbúa. Hér er átt við ákall íbúa við Sólarsalir um tengingu við Arnarnesveg með hringtorgi. Þeirri kröfu hefur verið hafnað á grundvelli þess að Arnarnesvegur tilheyrir vegtegund A22, en samkvæmt henni eiga að vera 600 metra á milli gatnamóta. Íbúar hafa hinsvegar sýnt fram á að þessi rök standast ekki skoðun, þar sem fjarlægðin á milli nokkurra hringtorga og gatnamóta á Arnarnesvegi er þegar undir 300 metrum. Miðflokkurinn deilir einnig áhyggjum íbúa af aukinni umferð um Salarveg sem mun fylgja breytingum á Arnarnesvegi. Salarvegur er mikil skóla- og frístundaleið þar sem fjöldi barna þverar götuna daglega. Knýjandi þörf er á að finna lausnir til að draga verulega úr umferðarhraða á Salarvegi. Telur Miðflokkurinn algjörlega nauðsynlegt að ráðist verði í þær aðgerðir áður en umferðarþungi á svæðinu eykst frekar.“
Beitir Ólafsson.

Fundarhlé kl. 16:32, fundi fram haldið kl. 16:40.

Bókun:
„Tilgangur með frestun málsins er að fara enn og aftur yfir gögn málsins og sjá hvort fleiri lausnir eru í boði sem gætu þjónað íbúum. Að sama skapi verður að gæta að umferðaröryggi og flæði umferðar.“
Hjördís Ýr Johnson, Leifur Andri Leifsson, Árnína Steinunn Kristjánsdóttir, Guðmundur Jóhann Jónsson og Kristinn Dagur Gissurarson.

Afgreiðslu frestað. Vísað til frekari úrvinnslu á umhverfissviði.

Bókun:
„Miðflokkurinn fagnar því að skipulagsfulltrúi Kópavogs hafi samþykkt tilögu hönnuðar og byggingarverktaka, og þannig svarað ákalli um fjölgun bílastæða við Hallahvarf 25-33 í 61 stæði, þrátt fyrir að skilmálar deiliskipulags hafi upprunalega gert ráð fyrir 46 stæðum. Mikil vöntun og þörf hefur verið á bílastæðum við nýbyggingar í Kópavogi og er þetta fagnaðarefni og vonandi vísir að breyttri stefnu í þeim málum.“
Beitir Ólafsson

Umsögn skipulagsfulltrúa dags. 3. júlí 2026 samþykkt.

Bókun:
„Miðflokkurinn fagnar því að skipulagsfulltrúi Kópavogs hafi samþykkt tillögu hönnuðar og byggingarverktaka, og þannig svarað ákalli um fjölgun bílastæða við Háahvarf 2-4 í 44 stæði, þrátt fyrir að skilmálar deiliskipulags hafi upprunalega gert ráð fyrir 39 stæðum. Mikil vöntun og þörf hefur verið á bílastæðum við nýbyggingar í Kópavogi og er þetta fagnaðarefni og vonandi vísir að breyttri stefnu í þeim málum.“
Beitir Ólafsson.

Umsögn skipulagsfulltrúa dags. 30. júní 2026 samþykkt.

Vísað til umsagnar skipulagsfulltrúa.

Lagt fram.

Bókun:
„Fulltrúar Samfylkingar þakka fráfarandi fulltrúa Pírata fyrir að benda á að vöntun sé á umferðaröryggi við stoppistöðvar strætó á Kópavogshálsi, en í núverandi fyrirkomulagi stoppa leiðirnar alveg við gangbrautina yfir Kópavogsháls þar sem gengið er að Bókasafni Kópavogs og Tónlistarskóla Kópavogs. Við viljum jafnframt benda á að í ljósi þess að miklar framkvæmdir eru væntanlegar á svæðinu og þungaflutningar í kjölfarið þarf að skoða vel ökuleiðir stórra vinnuvéla og vörubíla og reyna að sporna við að þessi þunga umferð beinist í átt að fjölförnum gönguleiðum og sömuleiðis ekki fram hjá Kópavogsskóla og MK.“
Eydís Inga Valsdóttir og Sólveig Skaftadóttir.

Vísað til umsagnar umhverfissviðs.

Bókun:
„Fulltrúar Samfylkingar fagna því að verið sé að ræða umferðaröryggi barna við skóla bæjarins. Þrátt fyrir að fyrirspurnin sé mjög opin styðjum við að ráðist verði í úttekt á umferðaröryggi við grunn- og leikskóla bæjarins með sérstaka áherslu á göngu- og hjólaleiðir barna til og frá skóla. Auk þess má endurskoða aðgerðir og áætlanir við að draga úr umferðarhraða.“
Eydís Inga Valsdóttir og Sólveig Skaftadóttir.

Lagt fram. Umræður.

Lagt fram. Umræður.

Lagt fram. Vísað til garðyrkjustjóra til skoðunar.

Vísað til umsagnar umhverfissviðs.