Fréttir & tilkynningar

Leikskólinn Álfaheiði dró Grænfánann að húni föstudaginn 23.maí og er þetta í níunda sinn sem fulltrúi Landverndar afhendir leikskólanum Grænfána.

Sigríður Beinteinsdóttir, betur þekkt sem Sigga Beinteins, er bæjarlistamaður Kópavogs 2025. Tilnefningin var formlega tilkynnt við hátíðlega athöfn í Bókasafni Kópavogs í dag af Elísabetu Sveinsdóttur, formanni menningar- og mannlífsnefndar, en nefndin velur bæjarlistamann.

Kópurinn, viðurkenningar menntaráðs Kópavogs fyrir framúrskarandi grunnskóla- og frístundastarf í Kópavogi, var veittur við hátíðlega athöfn í Salnum fimmtudaginn 22. maí. Alls bárust 19 tilnefningar um 18 verkefni til menntaráðs og voru veittar fimm viðurkenningar fyrir verkefni sem þóttu fela í sér umbætur eða leiða til framfara í skóla og frístundastarfi.

Óskað er eftir tilnefningum íbúa til Götu ársins í Kópavogi árið 2025.

The Color Run, mun fara fram í Kópavogi í ár í tilefni 70 ára afmælis Kópavogs.

Kópavogsbæ barst þann 2. maí síðastliðinn úrskurður frá innviðaráðuneytinu þar sem ákvörðun Kópavogsbæjar um úthlutun lóða og byggingarréttar að Roðahvarfi 2-36 og 1-21, frá 11. júní 2024 var felld úr gildi á þeim grundvelli að hún færi í bága við 11. gr. stjórnsýslulaga.

Enn eru garðlönd laus til umsóknar en lausum skikum fækkar ört og eru áhugasöm hvött að sækja um sem fyrst.

Betri samgöngur og Vegagerðin í samstarfi við Kópavogsbæ efna til kynningarfundar um stöðu og framgang verkefna Samgöngusáttmálans. Fundurinn fer fram  í Salnum þriðjudaginn 20.maí og hefst klukkan 17.00.  

Þriðjudaginn 13. maí fundaði Bæjarstjórn Kópavogs með fulltrúum ungmennaráðs og grunnskólabarna bæjarins. Á fundinum voru lagðar fram tillögur Barna- og ungmennaþings en það er einn af hornsteinum barnvæns sveitarfélags, eins og Kópavogur er, að börn og ungmenni fái að koma sjónarmiðum sínum á framfæri.

Bæjarstjórn Kópavogs staðfesti ársreikning ársins 2024 á fundi sínum 13.maí að lokinni síðari umræðu um ársreikninginn.