Fréttir & tilkynningar

Birgir Leifur Hafþórsson kylfingur úr GKG og Norma Dögg Róbertsdóttir fimleikakona úr Gerplu voru kjörin íþróttakarl og íþróttakona Kópavogs fyrir árið 2014. Kjörinu var lýst á íþróttahátíð Kópavogs í Reiðhöll Spretts 8. janúar. Fengu þau að launum farandbikar og eignarbikar jafnframt því sem Ármann Kr. Ólafsson bæjarstjóri Kópavogs afhenti þeim hvoru um sig 150 þúsund króna ávísun í viðurkenningarskyni frá Kópavogsbæ.

Sorphirðudagatal Kópavog (PDF skjal)s fyrir árið 2015 liggur fyrir. Á dagatalinu eru hverfi bæjarins litamerkt og litapunktar sína á hvaða dögum tunnur eru tæmdar í viðkomandi hverfum. Þá er einnig yfirlit yfir staðsetningu grenndargáma á kortinu. Athugasemdir eða ábendingar skulu berast Þjónustumiðstöð Kópavogs í síma 570 1660.

Lista- og menningarráð Kópavogsbæjar auglýsir eftir umsóknum um styrki úr lista- og menningarsjóði.

Auðbrekkusvæðið í Kópavogi fær nýja ásýnd og nýtt hlutverk þegar skipulag svæðisins verður tekið til endurskoðunar.

Frestur til að skila inn ljóðum í ljóðasamkeppnina Ljóðstafur Jóns úr Vör rennur út 21. desember.

Ný kort sem sýna snjómokstur í Kópavogi eru komin á heimasíðu bæjarins. Kortin sýna hvaða leiðir eru í forgangi í mokstri og söndun gatna í bænum.

Fjárhagsáætlun Kópavogsbæjar fyrir árið 2015 var samþykkt á fundi bæjarstjórnar í gærkvöld.

Börn á aldrinum fimm til átján ára, fædd 1996 til 2009, fengu 1. september síðastliðinn frístundastyrk að upphæð 15.000 krónur til ráðstöfunar á haustönn 2014.

Leikskólinn Álfaheiði í Kópavogi er einn sex leikskóla landsins sem hefur verið valinn sem frumkvöðlaleikskóli til þess að nota forvarnarverkefnið Vináttu frá Barnaheill í vetur.